Halla Hrund Logadóttir er með þó nokkra forystu á aðra forsetaframbjóðendur í nýjum þjóðarpúlsi Gallup.
RÚV greinir frá þessu.
36 prósent segjast myndu kjósa Höllu Hrund ef gengið væri til kosninga í dag. Þetta mun vera mesta fylgi sem Halla Hrund hefur mælst með í skoðanakönnunum.
Katrín Jakobsdóttir fylgir næst á eftir með 23 prósenta fylgi og í þriðja sæti er Baldur Þórhallsson en 19 prósent segjast myndu kjósa hann ef kosið væri í dag.
Jón Gnarr kemur næst á eftir Baldri og nær um 10 prósent fylgi.
Aðrir frambjóðendur fá minna en 10 prósent. Halla Tómasdóttir fjögur prósent, Arnar Þór Jónsson þrjú prósent og Steinunn Ólína Þorsteinsdóttir tvö prósent.
Þau sem eftir eru af frambjóðendahópnum náðu ekki eins prósents fylgi.
