Steinþór Jónsson, formaður Félags íslenskra bifreiðaeigenda, segir það ekki standast neina skoðun að rukka og vera hreina græðgisvæðingu að rukka 24 tíma gjald fyrir utan Röntgen Domus við Egilsgötu.

Steinþór ræðir málið í samtali við Morgunblaðið í dag en um helgina greindi blaðið frá því að ökumenn sem leggja bifreið sinni næturlangt á einkastæðum Domus þurfi að greiða hátt í tíu þúsund krónur fyrir stæðið. Þurfa notendur að greiða fyrir stæðið í gegnum Parka-appið og er gjaldtaka allan sólarhringinn.

Steinþór gefur ekki mikið fyrir tal um aðgangsstýringu við umrædd bílastæði enda er enginn að fara í Röntgen Domus á nóttunni.

„Svona gjald er nátt­úr­lega al­veg út úr kort­inu og væri miklu nær að fyrsta klukku­stund væri hæst og síðan myndi mæl­ir­inn stoppa í t.d. fimm þúsund krón­um, en ekki tíu þúsund eins og kom fram í grein hjá ykk­ur um helg­ina. Það stenst enga skoðun að rukka svona hátt gjald um miðja nótt og er ekk­ert annað en hrein græðgi­svæðing,“ seg­ir Steinþór við Morgunblaðið.

Hann vill meina að verið sé að fylgja einhverri pólitískri stefnu um að úthýsa einkabílnum úr miðbænum.