Eins og greint var frá í vikunni þá er goðsögnin Wayne Rooney að íhuga að gerast boxari – eitthvað sem hann er ekki þekktur fyrir.

Rooney var eitt sinn rotaður heima hjá sér af vini sínum Phil Bardsley er hann var leikmaður Manchester United en um var að ræða svokallaðan ‘gannislag.’

Eiginkona Rooney, Coleen, hefur áhyggjur af manninum og óttast hans heilsu ef hann ákveður að reyna fyrir sér í hringnum.

Þetta segir heimildarmaður í samtali við the Sun en Rooney hefur æft box reglulega síðan hann lagði skóna á hilluna 2021.

,,Hann er með boxpúða heima hjá sér og æfir sig á nánast hverjum degi. Hann hefur haldið sér í í formi á þann hátt eftir að skórnir fóru á hilluna,“ sagði heimildarmaðurinn.

,,Coleen hefur auðvitað miklar áhyggjur. Hún vill ekki sjá eiginmann sinn slasast og hluti af henni vonast til að hann haldi sig við æfingar heima.“

,,Að sama skapi þá er hún stolt af hversu einbeittur Wayne er og metnaðarfullur, hann gefur allt í æfingarnar. Ef hann ákveður að láta þetta verða að veruleika mun hún styðja hann.“