Arna Ýr Jónsdóttir, hjúkrunarfræðinemi og fyrrum Ungfrú Ísland og Miss Universe Iceland og Vignir Þór Bollason kírópraktor og eigandi Líf Kírópraktík, giftu sig í dag í Háteigskirkju.
Hjónin eiga tvö börn, fjögurra ára dóttur og tveggja ára son.
Á samfélagsmiðlum má sjá að hjónin útfærðu dagskrá dagsins með skemmtilegum hætti, kirkjugesta beið Brúðkaupsblaðið, tímarit 1, það verður ekki annað. Þar má sjá dagskrá athafnarinnar, matseðil í veislunni og hjartnæma kveðju brúðhjónanna til gesta. Einnig var innpökkuð servíetta fyrir gleðitár gesta.
Séra Guðni Már Harðarson gaf brúðhjónin saman og feður þeirra voru svaramenn. Veislan er haldin í veislusal Sjálands í Garðabæ. Eygló Gísladóttir ljósmyndari sér um að fanga stóra daginn á filmu. Eva Ruza Miljevic var veislustjóri og tónlistarmaðurinn Jón Jónsson kom og skemmti gestum.
View this post on Instagram
