Til dæmis eiga borgarbúar oft á tíðum erfitt með að nota snjallúr til að mæla hversu langt þeir hlaupa hverju sinni og leigubílaöpp eru oft á tíðum óvirk og því erfitt að ná í leigubíl.
Rússneskir fjölmiðlar segja að yfirvöld telji sig nauðbeygð til að trufla GPS-kerfið vegna hættunnar á drónaárásum Úkraínumanna. Sérstök áhersla er lögð á að trufla kerfið nærri Kreml. Þegar virkni kerfisins er trufluð geta stjórnendur dróna ekki vitað nákvæmlega hvar þeir eru og þá er erfitt að stýra þeim á ákveðið skotmark.
Þessi truflun á kerfinu veldur einnig vandræðum fyrir snallsíma, snjallúr og önnur tæki sem notast við GPS.
Borgarbúar hafa látið óánægju sína með þetta í ljós á samfélagsmiðlum. Þeir kvarta undan að snjallúrin þeirra skrái hlaupatúrana þeirra ekki rétt og því eigi þeir í erfiðleikum með að fylgjast með frammistöðu sinni.
GPS-kerfið hefur ítrekað verið truflað eftir að Rússar réðust inn í Úkraínu en truflanirnar hafa færst mjög í aukana eftir drónaárásina á Kreml.