CNN segir að börn séu síður líkleg til að deyja af völdum COVID-19 en nokkur annar aldurshópur. Innan við 1% dauðsfalla, af völdum COVID-19, hafa frá upphafi heimsfaraldursins orðið hjá börnum yngri en 18 ára miðað við gögn bandarískra heilbrigðisyfirvalda.
Þegar litið er á heildarmyndina, þar sem allir aldurshópar eru teknir með, er COVID-19 þriðja algengasta dánarorsökin.
CNN segir að höfundar rannsóknarinnar segi að það sé sjaldgæft að börn deyi og eru þá allar dánarorsakir teknar með í reikninginn. Það sé því best að átta sig á samhenginu með því að líta á aðrar ástæður fyrir dauðsföllum barna.
Dr Sean O‘Leary, formaður smitsjúkdómanefndar bandarísku barnalæknasamtakanna, sagði að almennt sé óalgengt að börn látist. Vitað sé að COVID-19 leggist verst á elstu aldurshópanna og þá sem eru með veikburða ónæmiskerfi og að sjúkdómurinn sé ekki eins alvarlegur hjá börnum. Það þýði þó ekki að þetta sé hættulaus sjúkdómur hjá börnum. „Bara af því að tölurnar eru svo miklu lægri hjá börnum þýðir ekki að þetta hafi ekki áhrif,“ sagði hann.
