Þingi Alþýðusambands Íslands hefur verið frestað fram á vor og því ljóst að Kristján Þórður Snæbjarnarson, sitjandi formaður ASÍ, mun leiða sambandið í komandi kjaraviðræðum í vetur.

Zelenskí Úkraínuforseti biðlaði til leiðtoga sjö helstu iðnríkja heims á fjarfundi og aðstoð við að styrkja loftvarnir landsins. Rússar skjóti írönskum eldflaugum linnulaust á skotmörk í landinu.

Hákon Noregsprins kom til landsins í dag og skoðaði eldstöðvarnar við Fagradalsfjall ásamt forseta Íslands. Á morgun heldur hann ræðu á Hringborði Norðurslóða í Hörpu.

Tímamót urðu hjá Háskólanum á Akureyri þegar fyrsta doktorsvörnin fór þar fram. Karen Birna Þorvaldsdóttir lauk doktorsprófi aðeins 29 ára gömul og á aðeins þremur árum sem þykir afar vel að verki staðið.

Trúðurinn getur sagt hluti sem ég sjálf þori ekki að segja um látna foreldra mína, segir Gríma Kristjánsdóttir leikkona sem flytur einleik um foreldramissi þar sem trúðurinn Jójó segir það sem ekki má segja.