Paul Scholes er af mörgum talinn einn besti miðjumaður í sögu Englands en hann gerði garðinn frægan með Manchester United.

Scholes viðurkennir sjálfur að það sé ótrúlegt að hann hafi náð árangri sem knattspyrnumaður eftir mjög sérstaka æsku.

Scholes drakk mikið af áfengi sem unglingur og fékk sér einnig í glas er hann var í unglingaliði Man Utd á sínum tíma.

Scholes lagði skóna á hilluna árið 2013 en hann lék yfir 450 deildarleiki fyrir Man Utd sem og 66 landsleiki fyrir England.

,,Minn lífstíll sem krakki, ef þú myndir sjá krakka gera það sama og ég myndirðu segja að hann myndi aldrei spila fótbolta fyrir nokkuð lið,“ sagði Scholes.

,,Stundum vorum við úti til klukkan átta eða níu eftir að hafa byrjað drykkjuna klukkan 12:30. Ég er ekki stoltur af þessu, fyrir laugardagsleikina.“

,,Þetta var minn lífstíll, ég ólst upp í kringum áfengi. Þar sem mamma og pabbi fóru, þar var bar. Ég var fyrir utan barinn að sparka bolta í vegg, krakkar máttu ekki koma inn svo ég beið bara eftir þeim.“

,,Ég man eftir því þegar ég var 16 eða 17 ára gamall þá var ég í unglingaliðinu og Eric Harrison hringdi í pabba minn og sagðist hafa áhyggjur af minni drykkju.“

,,Ég man alltaf að pabbi sagði bara að ég mætti njóta mín. Ég svaraði þeim ummælum, að hann ætti ekki að vera að segja svona hluti. Ég ólst svona upp, fimmtudagar, föstudagar, laugardagar og stundum mánudagar þá hélt ég út á lífið.“