Brighton hefur samið við Roberto De Zerbi sem skrifar undir fjögurra ára samning við félagið.
Þetta staðfesti Brighton í kvöld en De Zerbi tekur við sem stjóri Brighton af Graham Potter.
Potter gerði frábæra hluti með Brighton en var ráðinn til Chelsea á dögunum eftir brottrekstur Thomas Tuchel.
De Zerbi var síðast hjá Shakhtar Donetsk í Úkraínu en er þekktastur fyrir dvöl sína á Ítalíu.
De Zerbi verður mættur á hliðarlínuna er Brighton spilar við Liverpool í næstu umferð.
