Bleikur demantur grafinn úr jörðinni í Angóla er sá stærsti sinnar tegundar til að finnast í mörghundruð ár, samkvæmt áströlsku námufyrirtæki. Lucapa Diamond Company segir að hinn 170 karata Lulo Rose, nefndur eftir námu í norðaustanverðu Angóla þar sem demanturinn fannst, er einn af þeim stærstu sem hefur nokkurn tímann fundist. Demanturinn er talinn vera sá stærsti fundinn síðan 185 karata Daria-i-Noor fannst fyrir um 300 árum síðan, samkvæmt BBC.
„Það er bara einn úr hverjum tíu þúsund demöntum sem er bleikur. Þannig, þetta er svo sannarlega mjög sjaldgæfur fundur,“ sagði forstjóri Lucapa Diamond Company við AP. Ríkisstjórn Angóla, sem á hlut í námunni, sagði að fundurinn væri ótrúlegur. Enn á eftir að skera demantinn og slípa, sem mun draga úr þyngdinni töluvert, en hann á líklega eftir að seljast á metverði þegar hann kemur á markað.
