Alfons Sampsted var auðvitað á sínum stað hjá Bodo/Glimt í dag er liðið mætti HamKam í norsku úrvalsdeildinni.

Bodo/Glimt hefur verið á góðu skriði undanfarið og eftir 2-0 sigur í dag er liðið í þriðja sæti. Alfons lék allan leikinn í sigrinum.

Ari Freyr Skúlason lék með Norrköping í Svíþjóð sem tapaði heima gegn Malmö 2-0.

Milos Milojevic er auðvitað þjálfari Malmö sem er í þriðja sæti deildarinnar með 27 stig, þremur stigum frá toppsætinu.

Norrköping er þjálfaralaust þessa stundina og er í 11. sætinu með aðeins 16 stig úr 14 leikjum.

Axel Óskar Andrésson spilaði þá hálfleik fyrir Orebro í 2-0 sigri á Dalkurd í B-deildinni.