Guðmundur Benediktsson, Gummi Ben, birti athyglisverða færslu á Twitter í kvöld fyrir leik ÍBV og Víkings R. í Bestu deild karla.
Þessi tvö lið eigast við á Hásteinsvelli í Vestmannaeyjum en staðan er 2-0 fyrir Víkingum er þetta er skrifað.
Heimir Hallgrímsson, fyrrum landsliðsþjálfari, er skráður í liðsstjórn ÍBV sem er ansi athyglisvert.
Heimir er einnig fyrrum þjálfari ÍBV en hann hefur verið án starfs síðan hann yfirgaf lið Al Arabi í Katar fyrr á árinu.
Mikið hefur verið rætt um að Heimir sé að taka við Val af nafna sínum Heimi Guðjónssyni sem er valtur í sessi eftir slæma byrjun á tímabilinu.
,,Hættur í Val?“ skrifar Gummi Ben á Twitter og birtir um leið skjáskot af liðsstjórn ÍBV þar sen Heimir er skráður.
Þetta má sjá hér.
Hættur í Val? pic.twitter.com/8Qpa2D0BtE
— Gummi Ben (@GummiBen) June 15, 2022
