Guðbjarni Eggertsson, hæstaréttarlögmaður og einn eigenda LAGASTOÐAR lögfræðiþjónustu ehf., hefur verið settur ríkissaksóknari til að veita Endurupptökudómi umsögn í tilefni af beiðni Erlu Bolladóttur um endurupptöku á dómi Hæstaréttar Íslands í máli nr. 214/1974.
Dómsmálaráðuneyti barst erindi ríkissaksóknara, Sigríðar Friðjónsdóttur, í apríl, um vanhæfi hennar en hún hafði einnig verið vanhæf í máli endurupptökunefndar nr. 7/2014 sem átti rætur að rekja til sama máls. Þær vanhæfisástæður sem lágu þá til grundvallar eru enn til staðar og koma einnig í veg fyrir aðkomu hennar að máli þessu.
Sjá nánar á vef Stjórnarráðs.
