Liverpool er að ganga frá kaupum á sóknarsinnaða miðjumanninum Fábio Carvalho frá enska B-deildar liðinu Fulham. Það er knattspyrnusérfræðingurinn virti, Fabrizio Romano sem greinir frá þessu í færslu á samfélagsmiðlum.
Romano segir búið að ganga frá öllum lausum endum á milli Liverpool, leikmannsins og Fulham. Carvalho hefur nú þegar lokið læknisskoðun hjá félaginu og verður á samningi hjá félaginu til ársins 2027.
Liverpool hefur ekki í hyggju lána leikmanninn frá félaginu eftir því sem Romano kemst næst en tilkynnt verður endanlega um félagsskiptin í maí.
Excl: Fabio Carvalho to Liverpool, here we go. Done deal. Medical already completed with Fulham permission. 5 million fee plus 2.7m add ons, sell-on clause included. Contract until 2027. 🔴🇵🇹 #LFC
NO plan to loan him back. Announcement in May.
More: https://t.co/2HjY2Sly2H pic.twitter.com/Wd2EOYYqqm
— Fabrizio Romano (@FabrizioRomano) April 7, 2022
Carvalho er fæddur og uppalinn í Torres Vedras í Portúgal en fluttu ungur að árum til Englands. Hann á að baki 37 leiki fyrir aðallið Fulham, hefur skorað 9 mörk og gefið sjö stoðsendingar. Þá hefur hann bæði leikið með yngri landsliðum Englands og Portúgal.