Enska neðrideildar liðið Boreham Wood er eitt af spútnik liðum enska bikarsins þessa leiktíðina. Eftir sigur á B-deildar liði Bournemouth er Boreham Wood komið í fimmtu umferð bikarsins og mun þar mæta Everton.

Adrian Clifton, er ein af stjörnum liðsins og hann átti erfitt með að halda aftur af tárunum er hann talaði um áhrifin sem Ian Wright fyrrum framherji Arsenal, hafði á sig.

Það skemmtilega við þetta viðtal var að Wright sat í stúdíói ITV í tengslum við umgjörð stöðvarinnar í kringum leik Boreham Wood og Bournemouth og horfði á viðtalið við Clifton.

Clifton hefur þurft að legga mikið á sig undanfarin ár til þess að ná þeim stað sem hann er á núna. Árið 2009 var hann umfjöllunarefnið í heimildarþætti Ians Writght sem bar nafnið Football Behind Bars. Ian Wright hjálpaði Clifton að snúa lífi sínu við því á þessum tíma sat Clifton í fangelsi.

Hann hóf knattspyrnuferilinn hjá Arsenal í akademíu félagsins en eftir að félagið ákvað að bjóða honum ekki samning, fór hann út af sporinu og endaði að lokum í fangelsi.

Í viðtali eftir leik Boreham Wood og Bournemouth, var farið yfir það hversu mikil áhrif Ian Wright hefði haft á Clifton og sá síðarnefndi var spurður að því hvaða skilaboðum hann myndi vilja koma á framfæri við hann.

,,Takk fyrir. Hvað annað get ég sagt? Það er von. Þegar að maður á borð við Ian kemur inn í líf ungs manns eins og gerðist í mínu tilfelli, hefur trú á manni, þá sýnir það manni hversu langt maður getur náð,“ sagði Clifton tárvotur í viðtali eftir leik.

13 years ago @IanWright0 featured in a documentary helping at a young offenders’ institution

One of the men he helped was @A17Clifton

Adrian turned his life round, established a career in football and is now in the 5th round of the FA Cup

Here’s the message he had for Wrighty pic.twitter.com/OkjiQiXApv

— ITV Football (@itvfootball) February 7, 2022

Ian Wright sat ásamt Roy Keane, sem er þekktur harðhaus, í stúdíói ITV í kringum leikinn og saga Clifton snerti meira að segja við honum.

,,Frábært, mjög kraftmikið. Mögnuð saga, vel gert Wrighty,“ sagði Roy Keane, fyrrum leikmaður Manchester United við Ian Wright eftir viðtalið við Clifton. ,,Þú gafst honum von,“ bætti Keane við.

Ian Wright on being a role model:“It’s not like you have to give words of wisdom all of the time, it doesn’t have to be Churchillian.

„You just to need to be there when they need you to call..You have to be there for those moments of weakness.“

Ian Wright is an inspiration
4/4 pic.twitter.com/c4ePtwMm1e

— Tim Gatt (@TimGatt) February 6, 2022