Margir stuðninsgmenn Chelsea hafa látið reiði sína í ljós á samfélagsmiðlum vegna handabands Romelu Lukaku, framherja liðsins, og Kevin De Bruyne, leikmanns Manchester City, eftir leik liðanna í gær.
Man City vann leikinn 1-0. Fyrri hálfleikur var nokkurs konar skák á milli þjálfara liðanna. Liðin náðu bæði að koma sér nokkrum sinnum í álitlegar stöður en lítið var um dauðafæri. Chelsea varðist vel og leyfði sóknarmönnum Manchester City lítið að gera fram á við og var enn markalaust er flautað var til hálfleiks.
Manchester City var með betri stjórn á seinni hálfleiknum og Kevin De Bruyne braut ísinn á 70. mínútu með laglegu skoti vel fyrir utan teig. Þetta reyndist sigurmark leiksins og Manchester City styrkti stöðu sína í toppsætinu. Manchester City er með 56 stig í 1. sæti en Chelsea er með 43 stig í 2. sæti.
Lukaku og De Bruyne voru liðsfélagar hjá Chelsea á árum áður. Lukaku er nú mættur aftur til Chelsea en De Bruyne fór til Wolfsburg áður en hann mætti svo aftur í ensku úrvalsdeildina og sló í gegn með Man City.
Eftir leik fór vel á með þeim félögum. Það pirraði stuðningsmenn Chelsea sem hefðu viljað sjá Lukaku sína aðeins meiri tilfinningar eftir að hafa svo gott sem misst af Englandsmeistaratitlinum með tapinu í gær.
I mean they could always do this handshake in the dressing room, Lukaku is shameless pic.twitter.com/ZY4aQpIbtV
— Miles Amande (@milesNailer) January 15, 2022
Lukaku sneri aftur til Chelsea frá Inter í sumar fyrir 100 milljónir evra. Hjá Chelsea hefðu menn viljað sjá meira frá honum. Belginn hefur skorað fimm mörk í fjórtán leikjum í úrvalsdeildinni.