Lionel Messi hefur greinst með kórónuveiruna. Hann er einn af fjórum leikmönnum Paris Saint-Germain sem er nú smitaður af veirunni.
Hinir leikmennirnir þrír eru þeir Juan Bernat, Sergio Rico og Nathan Bitumazala.
PSG á bikarleik gegn Vannes á mánudag og verða þessir fjórir leikmenn eðlilega ekki með þá.
Eins og frægt er orðið fór Messi til PSG frá Barcelona í sumar eftir að hafa leikið með síðarnefnda félaginu allan sinn feril.
Börsungar höfðu ekki efni á að halda argentíska snillingnum vegna gífurlegra fjárhagsvandræða félagsins.
Messi hefur aðeins skorað eitt mark í ellefu leikjum í frönsku deildinni en hefur þó vegnað betur í Meistaradeild Evrópu. Þar hefur hann gert fimm mörk í fimm leikjum.
