PSG er á toppi frönsku deildarinnar með 12 stiga forystu. Það kemur fáum á óvart enda stór hópur með nokkrar af skærustu stjörnunum í fótboltanum og eigendur dæla pening inn í félagið. Mörgum hefur þrátt fyrir það þótt vanta upp á betri spilamennsku og greina franskir fjölmiðlar frá því að óneining sé í hópnum.
Í grein Foot Mercato segir að sjö leikmenn muni yfirgefa félagið í janúar því hópurinn sé svo stór að margir fái engan spilatíma og veldur það leiðindum í hópnum.
Sergio Rico, Thilo Kehrer, Abdou Diallo, Rafinha, Leandro Paredes, Layvin Kurzawa eru mennirnir sem verða seldir í janúar. Stuðningsmenn liðsins telja að það skipti engu máli þó þessir leikmenn verði seldir en eru ekki sammála því að þeir séu ástæðan fyrir vandamálum liðsins en þetta segir í Marca.
Frammistaða Neymar, Lionel Messi og Kylian Mbappe hefur verið gangrýnd á tímabilinu og sagt að þeir sinni varnarvinnunni ekki nægilega vel sem fari í taugarnar á öðrum leikmönnum.