Darren Fletcher tæknilegur ráðgjafi hjá Manchester United mun stýra liðinu tímabundið nú þegar búið er að taka ákvörðun um að reka Ole Gunnar Solskjær.
Félagið hefur ekki staðfest þau tíðindi en öll erlend blöð fullyrða að stjórn félagsins hafi tekið ákvörðun um að reka Solskjær.
„Manchester United hefur ákveðið að reka Ole Gunnar Solskjær úr starfi eftir niðurlægjandi 4-1 tap gegn Watford í dag,“ segir í grein The Times.
Stjórn United settist niður í gærkvöldi á neyðarfundi og samkvæmt grein The Times var ákveðið að láta Solskjær fara.
Gengi liðsins hefur verið hræðilegt undanfarnar vikur en Solskjær hefur verið stjóri United í þrjú ár.
Fletcher leikmaður United um langt skeið en hann mun að öllum líkindum stýra liðinu gegn Villareal í Meistaradeildinni í vikunni. Líklegast er talið að Zinedine Zidane taki við.
