Jón Dagur Þorsteinsson kantmaður AGF í Danmörku var besti leikmaður Íslands í undankeppni HM ef miðað er við meðaleinkunn 433.is eftir leikina tíu.

Miðað var við að leikmaður hefði fengið einkunn í þrígang eða oftar til að teljast með í meðaltalið. Aðeins Birkir Bjarnason fékk einkunn í öllum tíu leikjunum. Til að fá einkunn þarf leikmaður að spila 20 mínútur eða meira í leik.

Jón Dagur var með meðaleinkunnina sex. Stefán Teitur Þórðarson rétt slapp undir línuna en hann fékk einkunn í þremur leikjum og var með meðaleinkunina, 5,7.

Elías Rafn Ólafsson kom inn í markið í síðustu fjórum leikjum ársins og fékk meðaleinkunina 5,5. Albert Guðmundsson er svo í fjórða sætinu.

Birkir Bjarnason sem lék alla leikina fékk 5,1 í meðaleinkunn. Tveir markverðir reka lestina en Hannes Þór Halldórsson var með 4,3 í meðaleinkunn. Rúnar Alex Rúnarsson rekur svo lestina en hann fékk 3,6 í meðaleinkunn fyrir þrjá leiki sem hann spilaði.

Meðaleinkunn leikmanna er hér að neðan.

Leikmaður – Meðaleinkunn:
Jón Dagur Þorsteinsson – 6
Stefán Teitur Þórðarson – 5,7
Elías Rafn Ólafsson – 5,5
Albert Guðmundsson – 5,4

Ísak Bergmann Jóhannesson – 5,1
Brynjar Ingi Bjarnason – 5,1
Birkir Bjarnason – 5,1
Jóhann Berg Guðmundsson – 5

Alfons Sampsted – 5
Arnór Sigurðsson – 5
Kári Árnason – 5
Birkir Már Sævarsson – 5
Þórir Jóhann Helgason – 5

Sveinn Aron Guðjohnsen – 4,8
Guðmundur Þórarinsson – 4,8
Daníel Leó Grétarsson – 4,75
Aron Einar Gunnarsson – 4,6
Sverrir Ingi Ingason – 4,6
Andri Fannar Baldursson – 4,6
Guðlaugur Victor Pálsson – 4,6

Ari Freyr Skúlason – 4,5
Hjörtur Hermannsson – 4,5
Viðar Örn Kjartansson – 4,5
Hannes Þór Halldórsson – 4,3
Rúnar Alex Rúnarsson – 3,6