Líkur eru á því að Yves Bissouma, miðjumaður Brighton í ensku úrvalsdeildinni, verði í leikmannahóp liðsins um helgina þrátt fyrir að hafa verið handtekinn og ásakaður um kynferðislega áreitni á skemmtistað í síðustu viku.
Bissouma sneri aftur til æfinga með Brighton í vikunni en rannsókn lögreglu á málinu er enn í gangi. Forráðamenn Brighton ætla sér að fara eftir ferli dómskerfisins í Bretlandi og meðan ferlið er enn í gangi getur Bissouma spilað fyrir Brighton.
Það er því mismunandi eftir félögum í ensku úrvalsdeildinni hvernig þessi mál eru tækluð. Ef borið er saman mál Bissouma og Gylfa Þórs Sigurðssonar þá eru þeir báðir lausir gegn tryggingu í sínum málum á meðan rannsókn fer fram en Gylfi er ekki í leikmannahóp Everton á meðan mál hans er til rannsóknar og hann fær ekki að æfa með liðinu.
Brighton ákveður hins vegar að leyfa Bissouma að æfa og mögulega spila með liðinu um helgina er liðið mætir Norwich