Kári Kristján Kristjánsson, landsliðsmaður í handbolta, lét íslenska karlalandsliðið heyra það fyrir frammistöðu sína á meðan þjóðsöngur Íslands var spilaður í gær.
Ísland mætti Armeníu í undankeppni HM og gerði 1-1 jafntefli. Ísak Bergmann Jóhannesson skoraði mark Íslands í leiknum.
Kári Kristján tók til máls á Facebook til að húðskamma íslensku leikmennina fyrir að syngja ekki með þjóðsöngnum.
,,Kann engin helvítis Þjóðsönginn? Og eitt gerpið að japla tyggjó á meðan. Fyrirliðinn eins og stytta! Átakanlegt!“
Viðar Halldórsson, háskólaprófessor, skrifaði einnig um þetta á Twitter.
,,Þegar íslensk landslið ná lengst þá einkennast þau ef mikilli ákefð og stemningu. Nýja íslenska landsliðið er skipað efnilegum og flottum fótboltamönnum en skortir þessa liðsstemningu. Fyrsta skref: syngja með þjóðsöngnum. Áfram veginn.“
Þegar íslensk landslið ná lengst þá einkennast þau ef mikilli ákefð og stemningu. Nýja íslenska landsliðið er skipað efnilegum og flottum fótboltamönnum en skortir þessa liðsstemningu. Fyrsta skref: syngja með þjóðsöngnum. Áfram veginn…
— Viðar Halldórsson (@VidarHalldrsson) October 8, 2021
