Maður nokkur var í dag í Héraðsdómi Reykjavíkur sakfelldur fyrir ofbeldishótanir gegn lögreglumönnum. Um er að ræða tvö tilvik sama kvöldið. Í lögreglubíl á leiðinni frá Hafnarfirði að Hverfisgötu í Reykjavík sagði maðurinn við lögreglumann:
„Annað hvort setur þú vatn í augun á mér núna eða ég geng frá þér síðar“
Öllu orðljótari virðist maðurinn hafa verið á lögreglustöðinni á Hverfisgötu því þar hótaði hann lögreglumanni með þessum orðum:
„Haltu kjafti, ég ætla focking að taka þig í rassgatið og ég ætla að berja þetta litla fífl“
Maðurinn var ákærður fyrir brot gegn valdstjórninni vegna þessara hótana. Hann játaði brot sitt skýlaust fyrir dómi. Var hann dæmdur í 30 daga skilorðsbundið fangelsi og til að greiða allan málskostnað.
