Guðmundur Franklín Jónsson, oft kallaður Gúndi, er afar sáttur með nýtt gælunafn sem honum var gefið ásamt Glúmi Baldvinssyni á dögunum.

Þeir félagar leiða lista Frjálslynda lýðræðisflokksins í Reykjavík í komandi alþingiskosningum en þeir birtast oft saman í myndböndum sem Guðmundur gerir fyrir flokkinn.

Guðmundur segir að þeir hafi öðlast gælunafnið „Gloom and Doom“ sem er nafn á lagi með The Rolling Stones en orðatiltækið er notað þegar fólk finnur fyrir vonleysi og svartsýni.

Twitter-færslan sem Guðmundur talar um var birt í gær en blaðamaður fann ekki önnur dæmi um fólk að kalla þá félaga „Gloom and Doom“ eða „Myrkur og Dauði“.

doom and gloom pic.twitter.com/BG6w1O9wA5

— dagurbollason (@DagurBollason) September 2, 2021