Ekkert bólar á ráðherrum sem enn sitja á ríkisstjórnarfundi á Hótel Valaskjálf á Egilsstöðum og ræða minnisblað sóttvarnalæknis um hertar samkomutakmarkanir vegna Covid-19. Fundinum átti að ljúka kl. 18.
Talið er að mikill ágreiningur sé innan ríkisstjórnarinnar um málið, þ.e. hvort fara eigi eftir ítrustu tillögum sóttvarnalæknis eða ekki.
Óstaðfestar heimildir fréttastofu Stöðvar 2 herma að samkomutakmarkanir verða miðaðar við 200 manns, grímuskylda verði tekin upp á ný og skemmtistöðum verði gert að loka fyrr.
