Matarpakkarnir frá Eldum rétt njóta alltaf mikilla vinsælda og eftir fjölmargar óskir frá viðskiptavinum setti fyrirtækið pakkann Veldu rétt á markaðinn síðasta haust. Sá pakki gefur möguleika á því að teknir séu tveir til fimm dagar í viku fyrir tvær til fjórar manneskjur. Eins geta viðskiptavinir valið úr úrvali rétta og sett saman sinn eigin matseðil.

„Viðskiptavinir velja þannig þá rétti sem þeir eru í stuði fyrir hverju sinni og geta svo látið sig hlakka til vikunnar. Hægt er að velja allt frá tveimur réttum og upp í fimm. Svo er ekki verra að við erum farin að senda um allt land og það er óhætt að segja að fólk á landsbyggðinni hefur heldur betur tekið við sér og fjölmargir farnir að nýta sér þann kost,“ segir Hrafnhildur Hermannsdóttir, einn eigenda Eldum rétt.

Markmiðið með Veldu rétt var bæta þjónustu við viðskiptavini og upplifun þeirra enn frekar og segir Hrafnhildur einmitt markmið fyrirtækisins vera það að einfalda líf viðskiptavina sinna.

„Færri búðarferðir, styttri undirbúningstími við eldamennsku og minni matarsóun því fólk fær einungis það hráefni sem þarf fyrir hverja máltíð. Það eru svo margir kostir við pakkana frá okkur og fólk virðist í auknum mæli vera að átta sig á því,“

Hægt er að panta alla matarpakka inni á heimasíðu Eldum rétt eða í appinu.