Það fór ekki framhjá mörgum þegar Daninn Christian Eriksen hneig niður í leik Finnlands og Danmerkur á laugardaginn. Staðfest hefur verið að hann fór í hjartastopp en hægt er að þakka skjótum viðbrögðum frá liðsfélögum hans fyrir að hann sé enn með okkur í dag.
Í dag sendi Eriksen frá sér kveðju á Instagram-síðu sinni þar sem hann þakkar stuðninginn sem hann hefur fengið seinustu daga. Hann segir að honum líði vel miðað við aðstæður en að hann þurfi samt sem áður að fara í fleiri rannsóknir áður en honum er hleypt aftur heim til sín.
Ljóst er að hann mun þurfa að fylgjast með löndum sínum í næstu leikjum mótsins og mjög ólíklegt er að hann spili aðra mínútu á EM.
View this post on Instagram
