Félögin sex sem enn sitja eftir í Ofurdeildinni ætla að halda áfram með planið sitt um að setja upp nýja Evrópudeild, þetta kemur fram í yfirlýsingu deildarinnar.

Manchester United, City, Liverpool, Arsenal, Chelsea og Tottenham hættu öll við þátttöku í gær. Ástæðan var mikil andstæða í Englandi.

Ofurdeildin var stofnuð á sunnudag en strax brutust út mikil mótmæli og tóku öll ensku félögin ákvörðun um að hætta við í gær.

„Ensku félögin hættu við vegna þrýstings sem var sett á þau. Við erum örugg á því að tillaga okkar sé lögleg og í samræmi við lög í Evrópu,“ sagði í yfirlýsingu Ofurdeildarinnar.

Eftir sitja Real Madrid, Barcelona, Atletico Madrid, AC Milan, Inter og Juventus.

„Vegna stöðunnar sem er uppi munum við endurskoða mikilvæg skref til að endurskipuleggja verkefnið. Markmiðið er alltaf að búa til bestu upplifunina fyrir stuðningsmenn og tryggja greiðslur til allra í fótboltasamfélaginu.“