Erling Braut Haaland framherji Borusisa Dortmund er líklega á förum frá félaginu í sumar en umboðsmaður hans Mino Raiola fundar nú út um alla Evrópu.

Raiola ræðir við félög sem hafa áhuga á að kaupa Haaland sem slegið hefur í gegn hjá Dortmund á rúmu ári.

Launakröfur framherjans eru hins vegar svakalegar og vill hann verða einn launahæsti knattspyrnumaður í heimi, tvítugi framherjinn lætur Raiola um það að tryggja sér góðan launatékka.

Nú segja erlendir miðlar að Haaland krefjist þess að fá 570 þúsund pund á viku eða 100 milljónir íslenskra króna. Um er að ræða 5,2 milljarða í árslaun.

Sagt er að Real Madrid og Barcelona muni ekki fara í slíkan pakka en þá eru eftir ensk félög, Juventus og PSG sem gætu reitt fram þessi laun fyrir Haaland.