Paul Pogba miðjumaður Manchester United hefur notað tækifærið til að sparka í Jose Mourinho nú þegar hans gamli stjóri er í klípu hjá Tottenham.

Mourinho var stjóri Manchester United sem keypti Pogba til Manchester United á nýjan leik, samband þeirra var gott til að byrja með en síðan fór allt í vaskinn.

„Sambandið við Ole er öðruvísi, hann myndi aldrei fara í stríð við leikmennina. Hann færi ekki á móti leikmönnum,“ sagði Pogba

Pogba sagði að Solskjær kæmi alltaf vel fram við leikmennina sína en það væri ekki alltaf staðan með Mourinho.

„Kannski velur Ole þá ekki í liðið, hann setur þá ekki til hliðar og lætur eins og þeir séu ekki til. Það er munurinn á milli Mourinho og Ole.“

„Ég átti um tíma frábært samband við Mourinho, það sáu það allir. Næsta dag vissir þú ekki hvað hafði gerst, þetta var furðulegt í sambandi mínu við Mourinho. Ég get ekkert útskýrt hvað gerðist, ég veit það bara ekki.“