Twitter færsla sem sparkspekingurinn, Kristján Óli Sigurðsson setti fram í dag hefur vakið mikla athygli. Þar má sjá mynd af penna, eldgosi og bát.

Samkvæmt heimildum 433.is er Guðjón Pétur Lýðsson miðjumaður Breiðabliks að ganga í raðir ÍBV í Lengjudeildinni. Hann ferðast með Herjólfi til Eyja eins og Twitter færsla Kristjáns ber merki um.

Guðjón sem fagnar 34 ára afmæli sínu siðar á þessu ári var á láni hjá Stjörnunni á síðustu leiktíð en mun nú ganga í raðir ÍBV í næst efstu deild.

Samkvæmt heimildum var Guðjón nálægt því að ganga í raðir Fram en kaus að lokum að fara til Eyja, líklegt er að hann skrifi undir nokkura ára samning í Eyjum.

Eyjamenn eru annað árið í röð í næst efstu deild en miklu hefur verið tjaldað til í vetur til að koma liðinu aftur upp. Þannig fékk félagið Gonzalo Zamorano frá Víkingi Ólafsvík og Eið Aron Sigurbjörnsson frá Val.

Guðjón er öflugur miðjumaður sem var lykilmaður í liði Vals árið 2017 og 2018 sem vann efstu deild karla með miklum yfirburðum.

👀🛳🌋🖊

— Kristján Óli Sigurðsson (@kristjanoli) April 12, 2021