Fræga fólkið fylgist líka með fótbolta og eru sum þeirra alveg jafn harðir stuðningsmenn sinna liða og „venjulega fólkið“. En með hvaða liðum halda stjörnurnar? Farið verður yfir helstu stjörnustuðningsmenn liðanna í ensku úrvalsdeildinni í fimm hlutum. Byrjað verður á að fara yfir hvaða stjörnur styðja félögin Manchester United, Aston Villa, Crystal Palace og Newcastle.
Manchester United – Usain Bolt og Justin Timberlake
Manchester United er eitt vinsælasta félag í heimi og því kemur ekki á óvart að stjörnurnar elski að styðja þá. Spretthlauparinn Usain Bolt er einn þekktasti stuðningsmaður liðsins og hefur oft sést á Old Trafford og æfingasvæðinu. Drake hefur sjálfur sagt að hann haldi með liðinu en er þekktur fyrir að hoppa á milli liða svo það er alveg óvíst með hverjum hann heldur í dag. Floyd Mayweather og Hollywood stjörnurnar Justin Timberlake og Megan Fox eru einnig stuðningsmenn liðsins samkvæmt frétt Bleacher report.
Aston Villa – Vilhjálmur Bretaprins og Tom Hanks
Vilhjálmur bretaprins er án efa frægasti stuðningsmaður liðsins og er reglulegur gestur á leikjum liðsins. Hann hefur talað um hve erfitt það hafi verið að gefa sínu liði silfurmedalíur í úrslitaleik FA bikarsins árið 2015. Einnig verður að nefna stórleikarann Tom Hanks sem hefur verið harður stuðningsmaður liðsins frá 2001 ásamt Ozzy Osbourne. David Cameron, fyrrum forsætisráðherra Bretlands, segist einnig vera mikill stuðningsmaður félagsins en hann gleymdi því þó í einu sinni í viðtali og sagðist styðja West Ham.
Crystal Palace – Liam Neeson og Bill Nighy
Liam Neeson er talinn vera stuðningsmaður félagsins og er líklega sá þekktasti segir í frétt fourfourtwo. Frægt er þegar hann hringdi í stjórnarformann félagsins til að biðja um miða á völlinn en síðan þá hefur hann einnig mætt á leiki Liverpool svo óvíst er hvaða lið hann styður í raun. Bill Nighy, leikarinn úr Love Actually er mikill stuðningsmaður liðsins og mætir reglulega á völlinn ásamt grínistunum Kevin Day og Eddie Izzard.
Newcastle – Ant&Dec og Cheryl Cole
Liðið kemur frá stórri borg og því kemur ekki á óvart að stór hópur stjarna styður félagið. Anthony David McPArtlin og Declan Joseph Oliver Donnelly (Ant&Dec) eru þekktir sjónvarpsmenn í Bretlandi og styðja Newcastle. Þeir hafa oft sést á leikjum félagsins og tjá sig reglulega um leikmanna- og þjálfaramál á samfélagsmiðlum. Þá eru tónlistarfólkið Sting og Cheryl Cole ásamt fyrrum forsætisráðherra Bretlands Tony Blair stuðningsmenn félagsins. Cheryl Cole var lengi gift knattspyrnumanninum Ashley Cole sem spilaði lengi fyrir Chelsea en hún hélt alltaf tryggð við sitt félag.
