Það var í fjör H-riðli Meistaradeildar Evrópu í gær en þar tapaði Manchester United á heimavelli fyrir Paris Saint-Germain.
Sigur í leiknum hefði tryggt United sæti í 16- liða úrslitum. Neymar kom PSG yfir með marki á 6. mínútu. Marcus Rashford jafnaði leikinn fyrir United á 32. mínútu. Á 69. mínútu kom Marquinhos PSG aftur yfir. Einni mínútu síðar fékk Fred, leikmaður United, sitt annað gula spjald og var rekinn af velli.
Það var síðan Neymar sem innsiglaði 1-3 sigur PSG með marki í uppbótartíma venjulegs leiktíma. Manchester United, PSG og RB Leipzig hafa öll níu stig fyrir lokaumferðeina þar sem United fer til Þýskalands og mætir Leipzig.
Mikill hiti var í leiknum í gær og þá sérstaklega á milli Neymar og Scott McTominay, undir lok fyrri hálfleiks var við það að sjóða upp úr þeirra á milli.
McTominay steig óvart á Neymar sem svaraði með því að grípa um lim hans. „Ég vil ekki ræða einstaka leikmenn PSG, leikmenn United vita mín gildi. Ég vil heiðarlega leikmenn,“ sagði Ole Gunnar Solskjær eftir leik.
„Scotty hefði getað látið sig falla þegar Neymar greip um getnaðarlim hans, ég vil ekki sjá þá gera það.“