Fimmtu umferð riðlakeppni Meistaradeildar Evrópu lauk í kvöld með sex leikjum. Olivier Giroud skoraði öll mörk Chelsea í 0-4 sigri gegn spænska liðinu Sevilla. Þá tapaði Manchester United 1-3 á heimavelli fyrir franska liðinu PSG. Lestu um úrslit kvöldsins hér.
Í E-riðli skoraði Olivier Giroud öll mörk Chelsea í 0-4 sigri á spænska liðinu Sevilla. Bæði lið voru búin að tryggja sér sæti í 16-liða úrslitum keppninnar fyrir leikinn.
Í H-riðli tapaði Manchester United á heimavelli fyrir Paris Saint-Germain. Sigur í leiknum hefði tryggt United sæti í 16- liða úrslitum. Neymar kom PSG yfir með marki á 6. mínútu. Marcus Rashford jafnaði leikinn fyrir United á 32. mínútu. Á 69. mínútu kom Marquinhos PSG aftur yfir. Einni mínútu síðar fékk Fred, leikmaður United, sitt annað gula spjald og var rekinn af velli. Það var síðan Neymar sem innsiglaði 1-3 sigur PSG með marki í uppbótartíma venjulegs leiktíma. Manchester United er eftir leikinn í 1.sæti riðilsins með 9 stig, PSG er í 2.sæti riðilsins einnig með 9 stig. Það er því spennandi lokaumerð framundan í riðlinum.
Borussia Dormund og Lazio gerðu 1-1 jafntefli í F-riðli. Raphael Guerreiro kom Dortmund yfir með marki á 44. mínútu. Það var síðan Ciro Immobile sem jafnaði leikinn fyrir Lazio með marki úr vítaspyrnu og tryggði Lazio 1 stig. Dortmund er eftir leikinn í 1. sæti riðilsins með 10 stig, Lazio er í 2. sæti með 9 stig.
Í hinum leik F-riðils vann Club Brugge öruggan 3-0 sigur á Zenit frá Pétursborg. Sigurinn reynist Club Brugge mikilvægur, liðið á enn séns á sæti í 16- liða úrslitum fyrir lokaumferð riðlakeppninnar og hefur að minnsta kosti tryggt sér sæti í útsláttarkeppni Evrópudeildarinnar. Zenit er í 4. sæti riðilsins með 1 stig og hefur að engu að keppa.
Í G-riðli vann Barcelona 0-3 öruggan sigur á ungverska liðinu Ferencvaros. Mörk frá Griezmann, Braithwaite og Dembele tryggðu Barcelona þrjú stig en liðið var búið að tryggja sér sæti í 16-liða úrslitum fyrir leikinn.
Svipaða sögu er að segja frá 3-0 sigri Juventus á Dynamo Kyiv. Mörk frá Federico Chiesa, Cristiano Ronaldo og Alvaro Morata tryggðu Juventus stigin þrjú. Juventus var einnig búið að tryggja sér sæti í 16-liða úrslitum fyrir leikinn.
E-riðill
Sevilla 0 – 4 Chelsea
0-1 Olivier Giroud (‘8)
0-2 Olivier Giroud (’54)
0-3 Olivier Giroud (’74)
0-4 Olivier Giroud (’83, víti)
F-riðill
Borussia Dortmund 1 – 1 Lazio
1-0 Raphael Guerreiro (’44)
1-1 Ciro Immobile (’67, víti)
Club Brugge 3 – 0 Zenit
1-0 Charles De Ketelaere (’33)
2-0 Hans Vanaken (’58, víti)
3-0 Noa Lang (’73)
G-riðill
Ferencvaros 0 – 3 Barcelona
0-1 Antoine Griezmann (’14)
0-2 Marin Braithwaite (’21)
0-3 Ousmane Dembele (’28, víti)
Juventus 3 – 0 Dynamo Kyiv
1-0 Federico Chiesa (’21)
2-0 Cristiano Ronaldo (’57)
3-0 Alvaro Morata (’66)
H-riðill
Manchester United 1 – 3 Paris Saint-Germain
0-1 Neymar (‘6)
1-1 Marcus Rashford (’32)
1-2 Marquinhos (’69)
1-3 Neymar (’90+1)
