Aron Jóhannsson var í byrjunarliði Hammarby og skoraði fyrsta mark liðsins í 2-2 jafntefli gegn Arnóri Ingva og félögum hans í Malmö í sænsku úrvalsdeildinni í dag.
Malmö komst yfir með marki á 13. mínútur þegar Mads Fenger, leikmaður Hammarby, varð fyrir því óláni að skora sjálfsmark.
Á 35. mínútu jafnaði Aron leikinn fyrir Hammarby, mark hans má sjá neðst í fréttinni. Þetta var tólfta mark Arons með Hammarby í sænsku úrvalsdeildinni á þessu tímabili.
Anders Christiansen kom Malmö aftur yfir með marki á 45. mínútu og staðan orðin 1-2 fyrir gestina.
Þannig stóðu leikar allt þar til á 79. mínútu þegar Alexander Kacaniklic jafnaði leikinn fyrir Hammarby.
Fleiri mörk voru ekki skoruð í leiknum. Malmö er nú þegar búið að tryggja sér sænska meistaratitilinn. Hammarby er í 5. sæti deildarinnar með 41 stig.
The reboot of Aron Johannsson in 2020 continues. Here is his 12th of the season (15th including the Swedish Cup) for Hammarby – which trails Malmo 2-1 at HT pic.twitter.com/7KTPVgQd6G
— Brian Sciaretta (@BrianSciaretta) November 22, 2020