Willum Þór Willumsson, leikmaður U-21 og BATE, hefur verið kallaður í A-landsliðið fyrir leikinn gegn Englandi á miðvikudaginn. Fótbolti.net greinir frá.
Willum hefur spilað einn A-landsleik. Nú er hann að spila með U-21 landsliðinu gegn Írlandi. Ísland er að vinna með einu marki gegn engu.
Samkvæmt heimildum fotbolta.net er Willum einn af fimm leikmönnum U-21 liðsins sem kemur inn í hópinn gegn Englandi.
Áður höfðu Ísak Bergmann Jóhannesson og Sveinn Aron Guðjohnsen verið kallaðir til móts við A-landsliðið.