KSÍ mun ekki aðhafast í meintum brotum Vals og Leiknis um liðna helgar þar sem sóttvarnarreglur virtust brotnar ítrekað þegar félögin fögnuðu endalokum Íslandsmótsins. Valur varð Íslandsmeistari í karlaflokki og Leikir komst upp í efstu deild í annað sinn í sögu félagsins.

Þegar KSÍ ákvað að hætta leik var mikið fagnað á Hlíðarenda og í Breiðholti og reglurnar virtust gleymast. Lögreglan er með málið á borði sínu en Klara Bjartmarz, framkvæmdarstjóri KSÍ mun ekki senda málið til aga og úrskurðar nefndar sambandsins. Þetta staðfestir Klara í samtali við 433.is.

Meira:
Kampavínið flæddi út um allt þegar Breiðhyltingar brutu sóttvarnareglur í gær – Sjáðu myndskeiðið

KSÍ hefur heimild til að þess að vísa málum til nefndarinnar þrátt fyrir að þau gerist utan vallar, þannig hafa þjálfarar í sumar verið sektaðir fyrir ummæli t.d í hlaðvarpsþáttum og í dómi um þau var sagt í dómi. „..Ósæmileg að mati framkvæmdastjóra og með þeim hafi álit almennings á íþróttinni og starf knattspyrnuhreyfingarinnar rýrt.“

Meira:
Reglur um samkomutakmarkanir mölbrotnar á Hlíðarenda í gær – Sjáðu myndskeiðið

Svar Klöru við fyrirspurn um málið:
Í reglugerð um aga-og úrskurðarmál, grein 6.2 kemur fram að framkvæmdastjóri geti beint málum til nefndarinnar í þeim tilfellum sem aðrir fjalla ekki um þau sbr.

6.2. Jafnframt úrskurðar nefndin um önnur mál sem framkvæmdastjóri KSÍ eða aðrir, sem til þess hafa heimild, beina til nefndarinnar eða nefndin telur ástæðu til að hafa afskipti af vegna knattspyrnuleikja sem fram fara á Íslandi enda fjalli ekki aðrir um þau.

Varðandi þau tilfelli sem þú vísar til í fyrirspurn þinni er um að ræða brot á sóttvarnarreglum sem eru nú til rannsóknar hjá þar til bærum yfirvöldum.

Undirrituð mun ekki vísa þessum málum til aga-og úrskurðarnefndar á grundvelli heimildar í grein 21.1 í reglugerð KSÍ um aga-og úrskurðarmál.