Stórleikur 7. umferðar ensku úrvalsdeildarinnar fer fram á sunnudaginn þegar Manchester United tekur á móti Arsenal á Old Trafford.
Gengi Arsenal gegn Manchester United á Old Trafford hefur ekki verið glæsilegt upp á síðkastið. Arsenal tók síðast þrjú stig frá vellinum tímabilið 2006/2007, Lundúnarliðið fór þá með 0-1 sigur af hólmi eftir mark frá Adebayor á 85. mínútu.
Tölfræðin er ekki með Arsenal fyrir leikinn á sunnudaginn. Á síðustu 40 árum hefur félagið aðeins unnið fimm deildarleiki á Old Trafford og þeir hafa allir endað 0-1.
Barátta þessa tveggja liða teygir sig langt aftur og var einna hörðust í stjóratíð Sir Alex Ferguson og Arsené Wenger. Nú blása nýjir vindar, gamlar kempur liðanna eru við stjórnvölin og búast má við skemmtilegum leik.
Arsenal er fyrir leikinn í 12. sæti ensku úrvalsdeildarinnar með 9 stig eftir 6 leiki. Manchester United er í 15. sæti með 7 stig eftir 5 leiki.
Leikurinn á sunnudaginn hefst klukkan 16:30