Fréttir um grimmilegt einelti sem 11 ára drengurinn Ólíver hefur orðið fyrir í Garðabæ hafa vakið mikla athygli. Í kjölfarið hefur farið af stað umræða um einelti og hefur saga Ólívers hreyft við hjörtum landsmanna.
Landsliðsmaðurinn Jón Daði Böðvarsson skrifaði opinberlega til Ólívers og sagðist sjálfur hafa orðið fyrir einelti í æsku.
Fjöldi erlendra stórstjarna hefur opinberlega sagst hafa lent í einelti og lýst mannskemmandi áhrifum þess. Við tókum saman nokkrar sögur.
„Mér var mikið strítt í skóla. Ég var með slæma húð og furðulegt hár. Ég ólst upp í Tennessee, og ef þú varst ekki að æfa fótbolta, þá varstu hallærislegur. Það var alltaf verið að stríða mér af því að ég hafði áhuga á tónlist og list.“
Söngkonan vinsæla er frá Barbados og var strítt sem barni fyrir húðlit sinn sem var ljósari en flestra í kringum hana. Fólk sagði hana vera hvíta og bölvað henni.
Leikarinn var lagður í einelti en fann öðruvísi leið til að svara fyrir sig. „Ég hef verið í ofþyngd frá barnsaldri, en ég lærði snemma að nota grín sem vopn,“ sagði hann í „Off Camera with Sam Jones.“
Söngvarinn opnaði sig í júní 2019 um einelti sem hann varð fyrir sem unglingur. „Ég er að skrifa þetta til fimmtán ára krakkans sem er hræddur um að elta drauma sína af ótta við hvað fólk mun segja,“ sagði hann á Instagram.
Niall fór ekki út í smáatriði varðandi eineltið sem hann varð fyrir, en hann skrifaði við færslu Shawn og sagði: „Gæti ekki tengt við þetta meira. Sá hlær best sem síðast hlær.“
Hún skipti um skóla eftir einelti. Samnemendur hennar stríddu henni mikið fyrir að vera grönn og veikburða.
Óskarsverðlaunahafinn Gaga var lögð í einelti af samnemendum sínum í NYU háskóla í New York. Nemendurnir tóku sér tíma til að stofna Facebook-hóp sem var tileinkaður Lady Gaga, en ekki á góðan hátt. Heldur var Lady Gaga lítillækkuð og niðurlægð á hópnum. Nemendurnir skiptust á að skrifa að hún yrði aldrei fræg og væri hæfileikalaus.
Leikkonan sagði frá því í viðtali við Glamour að hún hafi verið lögð í einelti í skóla. Eineltið var svo slæmt að hún endaði með að flytja aftur til Indlands frá Bandaríkjunum.
Útlit leikkonunnar hefur heillað marga, en henni var strítt vegna útlits í skóla. „Börn gerðu grín af mér í skóla, kölluðu mig „Big Bird“ (því ég var „of hávaxin“ og var með „gult“ hár),“ sagði hún í færslu á Instagram.
Joanna er einn af eigendum Magnolia og annar þáttastjórnandi Fixer Upper. Þegar hún var í leikskóla var henni strítt fyrir að vera asísk. „Þegar þér er strítt á þessum aldri þá veistu ekki hvernig þú átt að meðtaka þetta, eina sem ég hugsaði var: „Ég er ekki nógu góð.““
Þegar sjónvarpsstjarnan var yngri flakkaði hún mikið á milli Indlands og New York. Henni þótti erfitt að passa inn í hópinn og var lögð í einelti. „Ég man meira að segja nöfnin þeirra. Þegar ég var í sjöunda bekk þá var það Sylvia, þegar ég var í áttunda bekk þá var það Patty,“ sagði Padma um stelpurnar sem stríddu henni. „Það var einu sinni kramið egg á höfðinu mínu og ég var kýld, þetta var hræðilegt. Ég var kölluð gíraffi, ég var svo einmana.“
Áður en Tom Ford varð frægur tískuhönnuður og leikstjóri var hann bara ungur drengur í Texas. Í viðtali við People sagði hann að það hefði verið erfitt að alast upp á sjöunda áratugnum í Texas; flestir ungir drengir spiluðu íþróttir og léku sér með byssur. Hann var ekki góður í íþróttum og hafði engan áhuga á byssum, honum var þar af leiðandi mikið strítt fyrir að vera öðruvísi. Honum finnst ennþá erfitt að ganga framhjá hópi af átta ára drengjum að spila fótbolta.
„Ég var lögð í svo hræðilegt einelti að pabbi þurfti að ganga með mér í skólann svo það yrði ekki ráðist á mig,“ sagði hún við Mirror. „Ég borðaði hádegismatinn minn hjá skólahjúkrunarfræðingnum svo ég þyrfti ekki að sitja með hinum stelpunum.“ Hún segir að sér hafi verið strítt fyrir að vera af tveimur kynþáttum og koma af fátæku heimili.
Leikkonan var lögð í einelti á unglingsárum. „Það voru tvær stelpur sem lögðu mig í einelti í mörg ár. Á þeim tíma skildi ég ekki af hverju þær voru að stríða mér. En seinna áttaði ég mig á því að þær þrifust á ótta mínum,“ sagði hún við Daily Mail.
Jennifer lýsti því hvernig hún fékk að taka þátt í að dreifa boðskortum í afmæli sem henni var ekki boðið í. Óskarsverðlaunahafinn skipti oft um grunnskóla vegna eineltis.
Henni var mikið strítt í gagnfræðaskóla þar sem hún var smámælt og var nýflutt til Bandaríkjanna.
