Hugmyndir um evrópska úrvalsdeild virðast vera lengra komnar en menn héldu miðað við fréttir síðustu daga. Talað er um að stærstu lið Evrópu séu að íhuga þátttöku í deildinni sem yrði á forræði FIFA. Portúgalska knattspyrnugoðsögnin, Luis Figo, segir að deildin muni eyðileggja knattspyrnuna eins og við þekkjum hana.
Figo bæst þar með í hóp margra þekktra einstaklinga í knattspyrnuheiminum sem hafa fordæmt fyrirhugaða deild. Þar á meðal eru Jamie Carragher, Stan Collymore og Gary Neville.
„Það sem ég hef lesið um þessa evrópsku úrvalsdeild mun leiða til þess að knattspyrnan eins og við þekkjum hana mun eyðileggjast. Þetta snýst allt um græðgi stærstu félaganna, á meðan munu smærri félög og deildir leggjast af. Það ættu allir að leggjast gegn þessum áformum,“ skrifaði Figo á Twitter.
Talað er um að deildin muni samanstanda af 18 liðum. Efstu lið deildarinnar muni síðan halda áfram í útsláttarkeppni. Talið er að stofnfé deildarinnar myndi verða í kringum 4,6 milljarðar breskra punda, það jafngildir rúmlega 840 milljörðum íslenskra króna.
What I read about this Super League idea will destroy football as we know it. It’s all about greed and keeping the game for a few elite clubs, while killing the other clubs and leagues that fans love. Football should unite! Everyone should oppose it! https://t.co/98VC6xd2qX
— Luís Figo (@LuisFigo) October 21, 2020
