Ronald Koeman þjálfari Barcelona gekk inn í erfiðar aðstæður hjá félaginu í sumar þegar hann tók við. Ákveðið var að skera niður kostnað og Koeman með lítið fjármagn til að breyta og bæta liðinu.
Barcelona hafði tapað 7-2 í Meistaradeildinni gegn FC Bayern og Lionel Messi krafðist þess að fara frítt. Börsungar bönnuðu það og Messi varð að halda áfram.
Spænskir fjölmiðlar fjalla svo um það í dag að Koeman sé að ná að hrista hópinn saman og að leikmenn séu almennt mjög ánægðir með innkomu hans.
Sagt er í fréttum dagsins að Koeman hafi heillað Messi með hugmyndafræði sinni og hvernig hann kemur fram við leikmenn sína.
Það er svo gömul saga og ný að ef að Messi er ánægður með þjálfarann í Katalóníu, þá fylgja aðrir með enda hefur hann verið besti leikmaður félagsins um langt skeið.
