Á tíunda tímanum í gærkvöldi voru tveir menn handteknir í hverfi 105, grunaðir um þjófnað. Þeir voru vistaðir í fangageymslu. Skömmu síðar var maður handtekinn í miðborginni eftir að hafa brotið rúðu. Hann var í annarlegu ástandi og var á ferð á rafskútu og með hund. Hann er grunaður um eignaspjöll, vörslu fíkniefna, þjófnað og brot á lögum um velferð dýra.

Á tíunda tímanum í gærkvöldi brutust tveir menn inn í þvottahús í fjölbýlishúsi í Breiðholti. Þeir skrúfuðu fyrir vatn en stálu engu.

Síðdegis í gær komst þjófur inn á skrifstofu verslunar í Grafarvogi og náði að hafa lausafé á brott með sér, ekki er vitað hversu mikið fé var um að ræða.

Einn ökumaður var handtekinn í gærkvöldi, grunaður um að vera undir áhrifum fíkniefna.