ICM Partners fyrirtæki í Bandaríkjunum hefur fest kaup á Stellar Group sem er stærsta umboðsskrifstofa knattspyrnumanna í heimi. Stellar Group hefur fjölda Íslendinga í sínum röðum.
ICM Partner er umboðsskrifstofa fyrir listafólk í Bandaríkjunum en kaupin á Stellar Group eru milljarða virði. Jonathan Barnett stofnandi Stellar Group mun halda áfram störfum og sömu sögu er að segja af öllum starfsmönnum fyrirtækisins.
Stellar Group tók yfir íslensku umboðsskrifstofuna Total Football fyrir ekki svo löngu síðan, við það varð fjöldi Íslendinga á þeirra snærum.
Stellar Group hefur í fjöldamörg ár séð um öll mál fyrir Gylfa Þór Sigurðsson og Jóhann Berg Guðmundsson landsliðsmenn Íslands, fleiri Íslendingar hafa verið á þeirra snærum.
Stellar Group er með margar stjörnur fótboltans á sínum snærum en helst má þar nefna Gareth Bale sem gekk í raðir Tottenham á dögunum.
