Sextán liða úrslit í enska deildarbikarnum kláruðust fyrr í kvöld þegar Arsenal komst áfram eftir vítaspyrnukeppni við Liverpool. Drátturinn í átta liða úrslitum fór fram strax í kjölfar leiks Arsenal og Liverpool.
Stórleikur átta liða úrslita verður spilaður á Emirates Stadium þegar Arsenal tekur á móti Manchester City. Gylfi Þór Sigurðsson og félagar hans í Everton taka á móti Manchester United.
Stoke tekur á móti Tottenham og Brentford tekur á móti Newcastle.
Leikirnir fara fram í vikunni 21.- 27. desember.
Átta liða úrslit:
Stoke – Tottenham
Brentford – Newcastle
Arsenal – Manchester City
Everton – Manchester United
