Chelsea kom til baka og náði 3-3 jafntefli á móti West Bromwich Albion í markaleik í ensku úrvalsdeildinni í dag. West Brom var 3-0 yfir þegar flautað var til hálfleiks.
West Bromwich Albion byrjaði leikinn af krafti. Callum Robinson kom liðinu yfir á 4. mínútu. Hann var síðan aftur á ferðinni þegar að hann nýtti sér varnarmistök Thiago Silva og skoraði sitt annað mark á 25. mínútu.
Aðeins tveimur mínútum síðar var Kyle Bartley búinn að kom WBA. Í 3-0. Hreint út sagt ótrúlegar tölur í leik sem var fyrir fram álitinn þægilegur fyrir Chelsea.
Frank Lampard, þjálfari Chelsea, gerði tvær breytingar á liði sínu í hálfleik. Inn á komu Cesar Azpilicueta og Callum Hudson-Odoi, útaf fóru Marcos Alonso og Mateo Kovacic.
Leikmenn Chelsea rönkuðu við sér í seinni hálfleik. Mason Mount minnkaði muninn fyrir Chelsea á 55. mínútu með skoti fyrir utan teig. Callum Hudson-Odoi skoraði síðan annað mark Chelsea á 70. mínútu.
Tammy Abraham jafnaði síðan leikinn fyrir Chelsea á 90.mínútu.
Fleiri mörk voru ekki skoruð, 3-3 jafntefli niðurstaðan í markaleik.
Chelsea er eftir leikinn í 6. sæti deildarinnar með 4 stig eftir 3 leiki. West Brom er í 15. sæti með 1 stig eftir þrjá leiki.
WBA. 3 – 3 Chelsea
1-0 Callum Robinson (‘4)
2-0 Callum Robinson (’25)
3-0 Kyle Bartley (’27)
3-1 Mason Mount (’55)
3-2 Callum Hudson-Odoi (’70)
3-3 Tammy Abraham (’90)