Fernando Torres, fyrrum leikmaður Liverpool, hefur nú sagt frá því af hverju hann ákvað að yfirgefa félagið á sínum tíma og ganga til liðs við Chelsea.
Aðalástæðan fyrir félagsskiptunum hafi verið sú að hann vildi vinna titla. Hann taldi tímann til þess að bæta við titlum í safnið vera af skornum skammti. Einnig hafi hann verið ósáttur við lygar þáverandi eigenda félagsins, sem var á þeim tíma í söluferli.
,,Liverpool seldi sína bestu leikmenn á þessum tíma. Javier Mascherano fór, Xabi Alonso fór. Síðan fór Rafa Benitez og áhersla var lögð á að fá inn yngri leikmenn. Ég leit á það þannig að þeir þyrftu 5-7 ár til þess að búa til vinningslið. Ég hafði ekki þann tíma,“ sagði Torres í viðtali við TalkSport.
Torres var keyptur til Chelsea í janúar árið 2011, kaupverðið var 50 milljónir punda. Miklar væntingar voru gerðar til Torres. Hjá Chelsea vann hann titla en náði ekki sýna sínar bestu hliðar eins og knattspyrnu aðdáendur sáu hann gera hjá Liverpool. Hann segist þó ekki sjá eftir þessum félagsskiptum.
,,Ég átti mjög góða spretti innan vallar en mig skorti stöðugleika. Ef þú getur ekki sýnt fram á stöðugleika hjá svona stóru félagi eins og Chelsea þá kemur einhver og tekur þína stöðu,“ sagði Torres.
„I thought Chelsea would be the club who will offer me the most chances of winning trophies.“
„#LFC needed five, six or seven years to create a winning team again and I didn’t have that time.“
„I wasn’t consistent.“
Fernando @Torres opens up on his difficult time at #CFC. 🔵 pic.twitter.com/QFz9qXgf8A
— talkSPORT (@talkSPORT) September 15, 2020
