Raunveruleikastjarnan og áhrifavaldurinn Patrekur Jaime opinberar kærasta sinn í færslu á Instagram. Hann deilir mynd af sér og kærastanum og óskar honum til hamingju með afmælið.
„Til hamingju með afmælið framtíðar barnsfaðir minn, elska þig,“ segir hann.
https://www.instagram.com/p/CE7gbrvglmt/
Fjölmargir hafa skrifað undir mynd Patreks. „Uppáhalds ofurparið mitt,“ skrifaði ein við myndina. Önnur skrifaði: „Bestir!!! Uppáhalds.“
Í samtali við Fókus segir Patrekur að sambandið þeirra sé æðislegt og gæti ekki gengið betur. Við óskum þeim innilega til hamingju.
Tökur standa nú yfir á nýrri þáttaröð af Patrekur Jaime: Æði, þar sem er fylgst með daglegu lífi Patreks. Erpur Eyvindarson, einnig þekktur sem Blaz Roca, deildi stiklu úr nýjustu þáttaröð Æði og spurði hvort um væri að ræða stiklu „úr nýja Samherja þættinum.“
Í stiklunni er fylgt eftir Patreki og vini hans og áhrifavaldinum Binna Glee skoða íbúð. Þeir fara að ræða um pólitík og kemst Patrekur að því að Binni hefur ekki hundsvit af íslenskum stjórnmálum.
