Margir hafa skilið eftir ummæli fyrir neðan myndina til að koma skoðun sinni á framfæri og lýsa óánægju sinni.
„Varist falsspámenn Þeir koma til yðar í sauðaklæðum, en innra eru þeir gráðugir vargar.“
„Þjóðkirkjan skammist ykkar. Þetta er guðlast af háu stigi.“
„Mér varð bara illt í hjartanu þegar ég sá þessa hræðilegu mynd. Hvað er að gerast í trúmálum okkar þjóðar. Hef íhugað að segja mig úr Þjóðkirkjunni,“
„Börn fá ekki lengur að kynnast fagnaðarerindinu í kirkjunni,“
„Þvílík skömm að kirkja sem kennir sig við Krist skuli sína honum slíka niðurlægingu.“
„Ég er farinn að hald að innihaldið í Fréttablaðinu sé heilagara en Biblían hjá Þjóðkirkjumönnum.“
Margrét Friðriksdóttir stofnandi Stjórnmálaspjallsins er ein þeirra sem er óánægð með myndina. Hún hvetur til mótmæla fyrir utan Biskupsstofu. Þá segir hún biskup andkristin og segir að hún muni fá starf hjá „BDSM klúbbnum“.
„Hvað segir fólk um að mótmæla fyrir utan Biskupsstofu? Burt með þennan andkristna biskup, hún fær starf hjá BDSM klúbbnum.“
Þó eru alls ekki allir sem eru neikvæðir gagnvart myndinni heldur finnst jákvætt og flott að kirkjan fagni fjölbreytileikanum og sýni Jesú sem er frábrugðinn sinni hefðbundnu birtingarmynd.
Meðlimir Facebook-hópsins Hinseginspjallið eru þó misánægðir með myndina. Þar finnst fólki að kirkjan skreyti sig með stolnum fjöðrum. Þess má geta að í sumar baðst Þjóðkirkjan afsökunar á mismunun sinni gagnvart hinsegin fólki, sem á sér langa sögu.
https://www.facebook.com/kirkjan/posts/10158479799837719