Isabella „Bella“ Kidman Cruise, elsta dóttir Tom Cruise og Nicole Kidman, heldur sig venjulega frá sviðsljósinu. En hún deildi nýlega sjaldséðri mynd af sér á Instagram.
https://www.instagram.com/p/CEUtpbSAdlx/
Tom Cruise og Nicole Kidman eiga saman tvö börn, Bellu sem er 27 ára og Connor Antony sem er 25 ára.
Venjulega deilir Bella myndum af listaverkum sínum en í þetta skipti deildi hún sjálfsmynd. Þetta er önnur myndin sem hún deilir af sér undanfarna mánuði. Fyrir það hafði hún aldrei deilt mynd af sér á Instagram.
Bella og bróðir hennar Connor hafa bæði haldið sig frá sviðsljósinu í gegnum tíðina. Þau eru bæði ættleidd, Bella var ættleidd árið 1992 og Connor þremur árum seinna. Tom og Nicole skildu árið 2001, eftir rúmlega tíu ára hjónaband. Eftir skilnaðinn voru þau með sameiginlegt forræði en samkvæmt E! News er Nicole ekki í neinu sambandi við börnin sín. Eins og pabbi sinn þá eru bæði Bella og Connor í Vísindakirkjunni.
