Catherine er 18 ára gömul og var að keyra heim til kærasta síns í St. Louis, Missouri. Það var hellidemba og skyndilega byrjaði bíllinn að fyllast af vatni.
Hún hafði lent í skyndiflóði (e. flash flood) og tók ákvörðun um að yfirgefa ökutækið sitt og ætlaði að færa sig yfir á þann hluta götunnar þar sem var ekki vatn. En straumurinn var of mikill að hún þurfti að halda fast utan um tré í tæpan klukkutíma þar til henni var bjargað.
Catherine deildi myndbandi á TikTok sem sýnir atvikið frá byrjun til enda og hefur fengið yfir 9,4 milljón áhorf. Hún segir í samtali við BuzzFeed News að hún hafi tekið upp myndbandið til að deila á samfélagsmiðlum en einnig vildi hún geta sýnt tryggingarfélagi sínu hvað gerðist.
@catherine.keRip to my car, and favorite sweatpants🤧♬ original sound – klrandis
„Fyrst hafði ég áhyggjur um að týna veskinu mínu, en síðan áttaði ég mig á því að þetta snerist um líf eða dauða. Ég áttaði mig á því að ég þyrfti að vera róleg og hringja í neyðarlínuna,“ segir Catherine.
Móðir Catherine reyndi að finna hana en lenti einnig í flóðinu. Það endaði með að björgunarbátur kom eftir tæpan klukkutíma. Báðir bílarnir eru ónýtir en ótrúlega tókst Catherine að finna veskið sitt.
